«Երիտասարդ գիտնականների աջակցության ծրագրի մրցույթները» աշխատաժողով
Հետազոտություն իրականացնող սովորողների, երիտասարդ գիտնականների և մինչև 35 տարեկան դասախոսների համար մասնագիտական գործունեության, ինչպես նաև ծրագրային առաջարկների կազմության շրջանակներում Հայաստանի գեղարվեստի պետական ակադեմիայի Հետազոտական կենտրոնը համագործակցելով Երիտասարդ գիտնականների աջակցության ծրագրի հետ կազմակերպում է «Երիտասարդ գիտնականների աջակցության ծրագրի մրցույթները» թեմայով աշխատաժողով, որը կվարի ծրագրի համակարգող՝ ֆիզիկամաթեմատիկական գիտությունների թեկնածու Հայկ Զաքարյանը։
Սույն թվականի մայիսի 22-ին, ժամը 14:00-ին ՀԳՊԱ-ի կենտրոնական մասնաշենքի նիստերի դահլիճում նախատեսված աշխատաժողովը լավ հնարավորություն է սովորողների, երիտասարդ դասախոսների ու գիտնականների համար հետազոտության ոլորտում առանցքային խնդիրների ծանոթացման և հատկապես միջազգային հարթակներում գործունեության ծավալման առումով։ Հանդիպման ընթացքում կներկայացվեն ԵԳԱԾ-ի կողմից օժանդակվող մրցույթների, դրամաշնորհային ծրագրերի և երիտասարդ գիտնականների աջակցմանը միտված մի շարք հիմնահարցեր։
