Հայ Կրթական Հիմնարկությունը հայտարարում է կրթաթոշակների մրցույթ

Հայ Կրթական Հիմնարկությունը արդեն երկար տարիներ է, ինչ հովանավորում է Հայաստանի գեղարվեստի պետական ակադեմիայում սովորող մեծ թվով ուսանողների, ովքեր մասնակցել են ՀԿՀ-ի կողմից հայտարարված կրթաթոշակային մրցույթին՝ և անցնելով մրցութային բոլոր փուլերը ստացել և ստանում են կրթաթոշակ։

Սույն թվականի մարտի 13-ին կրկին մեկնարկել է ՀԿՀ-ի կրթաթոշակային ծրագիրը՝ նախատեսված 2022-2023 թթ․ ուսումնական տարվա համար։ Կրթաթոշակի մրցույթին կարող են դիմել Հայաստանի գեղարվեստի պետական ակադեմիայի «Արվեստաբանություն», «Դիզայն» և «Համակարգչային գրաֆիկա» կրթական ծրագրերի, ինչպես նաև ՀԳՊԱ-ի Գյումրու մասնաճյուղի «Արվեստաբանություն» և «Դիզայն» կրթական ծրագրերի ուսանողները։

Կրթաթոշակները տրամադրվելու են տվյալ ուսումնական տարվա ուսման վարձի 90%-ի չափով (ՀԿՀ-ի կողմից վճարվող գումարը չի գերազանցելու 720 000 դրամի շեմը)։ Հայտադիմումներն ընդունվում են առցանց տարբերակով․ անհրաժեշտ է մուտք գործել  https://aef.am/ կայքէջ, և լրացնել առցանց հայտը (https://apply.aef.am/): Մանրամասների և հավելյալ տեղեկությունների համար կարող եք գրել aef@aef.am էլեկտրոնային փոստին կամ զանգահարել (+374) 11 53 14 85 հեռախոսահամարով։