Կրթական ծրագրերի մշակման ՀԳՊԱ-ի փորձը ներկայացվեց Կոնսերվատորիայի անձնակազմին
Երևանի Կոմիտասի անվան պետական կոնսերվատորիայի նախաձեռնությամբ և հրավերով ՀԳՊԱ-ի ուսումնագիտական գծով պրոռեկտոր Մկրտիչ Այվազյանը և Կրթական ծրագրերի մշակումների բաժնի ղեկավար Ռուզաննա Մինասյանը ներկայացրեցին կրթական ծրագրերի մշակման և վերանայման գործընթացը։ Նրանք անդրադարձան նաև ակադեմիայում կազմակերպվող և իրականացվող քայլերին:
Քննարկվեցին երկու հաստատությունում կրթական ծրագրերի լրամշակման ընթացիկ աշխատանքները: Մասնակիցները կարևորեցին ՀԳՊԱ-ի փորձը և հետագա համագործակցությունը կրթական ծրագրերի մշակման ուղղությամբ:
Հանդիպմանը ներկա էր նաև Հայաստանի ազգային պոլիտեխնիկական համալսարանի Որակի ներքին աուդիտի և կրթական բարեփոխումների պլանավորման վարչության պետի տեղակալը, որն անդրադարձավ բուհում որակի ապահովման գործընթացներին:
Նման ձևաչափով հանդիպումները, փորձի փոխանակումն ու հետագա համագործակցությունը կրելու են շարունակական բնույթ:
