«Ստեղծարար ձեռնարկատիրություն» վերապատրաստման ծրագիր
Բրիտանական Խորհրդի ֆինանսավորմամբ «Ստեղծարար միտք. Բարձրագույն կրթության ձեռնարկատիրական ծրագիր» նախագծի շրջանակներում Երևանի Վ. Բրյուսովի անվան լեզվահասարակագիտական համալսարանում նախատեսվում է վերապատրաստումների շարք՝ «Ստեղծարար ձեռնարկատիրություն» թեմայով։ Դասընթացները հայերեն լեզվով են և միտված են ստեղծարար ձեռնարկատիրական կրթության զարգացմանը։ Ծրագրին գրանցվելու դեպքում, Դուք կստանաք հնարավորություն գրանցվելու «English Select» ծրագրին, որը հասանելի է միայն «Ստեղծարար միտք» ծրագրի շահառուներին:
«Ստեղծարար ձեռնարկատիրություն» վերապատրաստման ծրագիրը տալիս է հետևյալ հնարավորությունները․
- գրանցվել Բրիտանական Խորհրդի «English Select» մասնագիտացված դասընթացներին և ավարտին ստանալ վկայական,
- ձևավորել ձեռնարկատիրական հմտություններ և մտածել սեփական գործը հիմնելու մասին,
- մասնակցել start up pitching մրցույթին և ստանալ մրցանակ։
Ծրագրին մասնակցելու համար անհրաժեշտ է գրանցվել՝ https://bit.ly/2FsPDBo հղմամբ մինչև ս.թ. փետրվարի 15-ը: Ընտրությունն անցած մասնակիցները կստանան նամակ հրավեր վերապատրաստումների ժամկետների և ծրագրի մեկնարկի վերաբերյալ։
