ՀԹԳԱ-ն առաջարկում է օգտվել անվճար շտեմարաններից
Արդի հետազոտողների համար կարևորագույն պայման է հանդիսանում օտար լեզվով (նախևառաջ անգլերեն) գրավոր հաղորդակցման հմտությունների տիրապետումը, որը հնարավորություն կընձեռի ոչ միայն ուսումնասիրել առկա միջազգային գիտական ներուժը, այլև սեփական հետազոտություններն ու ստացված եզրահանգումները հրապարակել և տարածել արևմտյան հեղինակավոր պարբերականներում։ Ժամանակակից հետազոտական գործունեությունը միտված է նաև գործընթացների ճկունության և միանգամից մի քանի բնագավառների հետազոտման համատեղմանը։ Այս համատեքստում լավ հնարավորություն է ընձեռվել ոլորտի գիտակ մասնագետների համար իրենց հետազոտական աշխատանքների հրապարակայնացման և միջազգային գիտակրթական հարթակներում ակտիվ գործունեության ուղղությամբ։
Հայաստանի թվային գրադարանների ասոցացիայի հետ համագործակցության շրջանակներում հետազոտական գործունեություն իրականացնող սովորողներն ու դասախոսները կարող են անվճար հիմունքներով օգտվել նշյալ շտեմարաններից, որտեղ ընդգրկված են հետազոտական ուղղվածության տարբեր ոլորտներ՝ ներառյալ գեղարվեստական կրթություն և հումանիտար գիտություններ։
Այս հարթակի միջոցով կարող եք օգտվել՝ ACM Digital Library, e-Duke Journals Scholarly Collection, Edward Elgar Publishing Development Studies & Environment e-books, Edward Elgar Publishing Journals, European Respiratory Journal, IMechE Journals, IWA Publishing Journals, OpenEdition Journals, Royal Society Journals Collection, SAGE Premier շտեմարաններում զետեղված աշխատությունների ուսումնասիրման, գործընթացների ներգրավածության և հրատարակության համար անհրաժեշտ տեղեկատվությունից։
