Համագործակցության հուշագիր ՀԳՊԱ-ի և «Armnomads games»-ի միջև
Հայաստանի գեղարվեստի պետական ակադեմիան և «Armnomads games» ընկերությունը կնքեցին համագործացկության հուշագիր, որը նախատեսում է կրթական և մասնագիտական ոլորտում համատեղ մի շարք երկարաժամկետ ծրագրերի և իրադարձությունների կազմակերպում և անցկացում:
Հուշագրի շրջանակում կողմերը կարևորեցին երկուստեք գործընկերային և համագործակցային դերը ուսանողների մասնագիտական և աշխատաշուկայի կարիքներից բխող կիրառական հմտությունների և կարողունակությունների ձեռքբերումը՝ նպաստելով ՀՀ-ում խաղարվեստի ոլորտի զարգացմանը:
Այս նպատակով առաջին փուլով նախատեսվում է «Համագործակցային նախագիծ» մոդուլի համատեղ անցկացում, որի շրջանակում ուսանողներն իրական նախագծեր կիրականացնեն՝ համատեղելով ուսումն ու մասնագիտական գործունեությունը: Մոդուլը միտված է զարգացնելու դիզայնի ուսանողների մասնագիտական-գործնական և վերլուծական, ինչպես նաև թիմում և պատվիրատուի հետ աշխատելու հմտությունները՝ պատրաստելով ուսանողներին ապագա գործունեությունը գործնական միջավայրում ծավալելուն:
