Հայաստանի գեղարվեստի պետական ակադեմիայի 2019-2020 ուսումնական տարվա բակալավրի ավարտական աշխատանքների և մագիստրոսական թեզերի պաշտպանությունների հեռավար կազմակերպման վերաբերյալ տեղեկատվություն

1․ Հայաստանի գեղարվեստի պետական ակադեմիայի (ՀԳՊԱ) հարգելի ուսանողներ նոր կորոնավիրուսի հետևանքով Հայաստանի Հանրապետությունում ստեղծված իրավիճակից ելնելով 2019-2020 ուսումնական տարվա բակալավի ավարտական աշխատանքների և մագիստրոսական թեզերի պաշտպանությունները կանցկացվեն առցանց՝ ZOOM հարթակի միջոցով:

2․ Ավարտական աշխատանքների և մագիստրոսական թեզերի պաշտպանությունների ժամանակացույցին կարող եք ծանոթանալ ՀԳՊԱ-ի պաշտոնական կայքէջում հետևյալ հղումով։

3․ Ավարտական աշխատանքների և մագիստրոսական թեզերի պաշտպանությունների հետ կապված կամ դրանց ընթացքում առաջացած խնդիրների մասին տեղեկացնելու նպատակով անհրաժեշտ է դիմել ուսումնական գործընթացի հաշվառման բաժին՝ հեռ. 010 54 27 06, էլ. փոստ hasmikmakvetsyan@gmail.com:

4․ Պաշտպանությունից առնվազն 5 օր առաջ ըստ մասնագիտության պահանջների ուսանողը ամբիոնի վարիչին կամ ամբիոնի կողմից նշանակված պատասխանատուին պետք է ուղարկի.

 

Մասնագիտությունը	Բակալավրիատ	Մագիստրատուրա
«Գեղանկարչություն», «Քանդակագործություն», «Գրաֆիկա»	Ավարտական աշխատանքը և աշխատանքի բացատրագիրը	Կատարված աշխատանքը և գրավոր հետազոտական աշխատանքը
«Դիզայն», «Համակարգչային գրաֆիկա», «Կիրառական արվեստ», «Հագուստի մոդելավորում»	Ավարտական նախագիծը և նախագծի բացատրագիրը	Ավարտական նախագիծը և գրավոր հետազոտական աշխատանքը
«Արվեստաբանություն»	Գրավոր ավարտական աշխատանք	Գրավոր հետազոտական աշխատանք

 

5․ Պաշտպանությունից 1 օր առաջ համապատասխան ամբիոնի վարիչը ուսանողներին կուղարկի ZOOM հավելվածի էլեկտրոնային հարթակ մուտք գործելու հղումը և գաղտնաբառը՝ պաշտպանության տեսակոնֆերանսին միանալու համար: Ինչպես նաև պաշտպանություններին ուսանողների մասնակցության հերթականության ցուցակները:

6․ Յուրաքանչյուր ուսանող պաշտպանության ամբողջ ընթացքում պետք է ապահովի տեսակապը (live video) և ձայնային կապը (audio), ըստ անհրաժեշտության՝ նաև իր աշխատանքային սեղանի (desktop) տեսանելիությունը` շնորհանդեսի անհրաժեշտության դեպքում կիրառելով ZOOM հավելվածի համապատասխան գործիքները (share screen (տեսանելի դարձնել էկրանը), whiteboard (գրատախտակ) և այլն):

7․ Պաշտպանությունների ողջ ընթացքը կտեսաձայնագրվի:

8․ Եթե մինչև պաշտպանության ավարտը ուսանողը չի կարողանում միանալ համապատասխան խմբին, ապա նա նույն օրը պարտավոր է այդ պատճառների մասին տեղեկացնել ուսումնական գործընթացի հաշվառման բաժնի պատասխանատույին boghoqarkum@safa.am էլեկտրոնային փոստին նամակ ուղարկելու միջոցով։

9․ Պաշտպանությունը կտեղափոխվի մեկ այլ օր՝ ինչի մասին ուսանողը կտեղեկացվի պատասխան էլեկտրոնային նամակով: Պաշտպանության օրը կարող է տեղափոխվել 1 անգամից ոչ ավել: Եթե ուսանողին 2-րդ անգամ ևս չի հաջողվում միանալ քննող հանձնաժողովին, ապա ուսանողը համարվում է չներկայացած և ըստ սահմանված կարգի կկարողանա մասնակցել հաջորդ ուսումնական տարվա ավարտական աշխատանքների և մագիստրոսական թեզերի պաշտպանությանը։

10․ Պաշտպանությունների գնահատականները կհրապարակվեն նույն օրվա ընթացքում, պաշտպանության ավարտից ոչ ուշ քան 2 ժամվա ընթացքում:

11․ Պաշտպանության գնահատականն ուսանողը կարող է բողոքարկել գնահատականների հրապարակումից հետո 24 ժամվա ընթացքում՝ boghoqarkum@safa.am էլեկտրոնային փոստին համապատասխան քննող հանձնաժողովի նախագահի անունով գրավոր դիմում ներկայացնելու միջոցով:

12․ Ըստ մասնագիտությունների քննող հանձնաժողովների նախագահներն են՝

 

Մասնագիտություն	Քննող հանձնաժողովների նախագահ
«Գեղանկարչություն», «Քանդակագործություն», «Գրաֆիկա»	Սուրեն Սաֆարյան ՀՀ Նկարիչների միության նախագահ
«Դիզայն», «Համակարգչային գրաֆիկա», «Կիրառական արվեստ», «Հագուստի մոդելավորում»	Ռուբեն Մնացականյան ՀՀ արվեստի վաստակավոր գործիչ, դիզայներ
«Արվեստաբանություն»	Աշոտ Գրիգորյան Ճարտարապետության դոկտոր, Ճարտարագիտական ակադեմիայի ակադեմիկոս

 

13․ Բողոքարկման դիմումների քննարկման համար հատուկ օր կնշանակվի՝ ինչի մասին ուսանողը կտեղեկացվի պատասխան էլեկտրոնային նամակով:

14․ Ըստ գործող կարգի բողոքարկման դիմումների քննման ընթացքում քննող հանձնաժողովին միանում են՝ տվյալ հանձնաժողովի անդամ չհանդիսացող վարչական անձնակազմի աշխատակիցը և ուսանողական խորհրդի ներկայացուցիչը:

15․ Բողոքարկման նիստի ավարտից հետո հանձնաժողովի անդամների ձայների պարզ մեծամասնությամբ կայացվում է հետևյալ որոշումներից որևէ մեկը. 1) գնահատականը թողնել անփոփոխ, 2) գնահատականը բարձրացնել: