Հայտարարություն

ՀԳՊԱ-ի հարգելի ուսանողներ, սիրով տեղեկացնում ենք, որ Centro Linguistico d’Ateneo SLAM կենտրոնը հրավիրում է մասնակցելու իտալերեն լեզվի և իտալկան մշակույթի երեք շաբաթ տևողությամբ դասընթացներին, որոնք կկայանան 2023-ի հուլիս և օգոստոս ամիսներին։ Դասընթացներն անց են կացվելու Միլանի համալսարանի մասնաճյուղերից մեկում, որը գտնվում է իտալական Գառնյանո քաղաքում։

Մասնակիցներից պահանջվում է իտալերեն լեզվի առնվազն B1 մակարդակի իմացություն՝ համաձայն լեզուների ընդհանուր եվրոպական շրջանակի (CEFR)։ Մասնակցության վճարը կազմում է 550 եվրո, որը ներառում է օրական երեք-անգամյա սնունդ դասընթացի ամբողջ տևողության ընթացքում, իսկ բարձր միավորներ հավաքած ուսանողների դեպքում՝ անվճար կացարանի տրամադրում համալսարանին կից։ Դիմելու համար հայտներն ընդունվում են մինչև 2023-ի ապրիլի 16-ը: Հավելյալ տեղեկություններ կարող եք տեսնել այստեղ։ Դասընթացների մասին պատկերացում կազմելու համար կարող եք դիտել նաև այս կարճ տեսանյութը։

Արտաքին կապերի բաժին