«Մարդ Աստծո» գեղանկարչական, գրաֆիկական աշխատանքների և քանդակի մրցանակաբաշխություն

«Մեծն Ներսես» բարեսիրական կազմակերպության գործունեության 30-ամյակի շրջանակներում Հայաստանի գեղարվեստի պետական ակադեմիան և «Մեծն Ներսես» բարեսիրական կազմակերպությունը անց են կացնում «Մարդ Աստծո» գեղանկարչական, գրաֆիկական աշխատանքների և քանդակի մրցանակաբաշխություն ՀԳՊԱ-ի Կերպարվեստի ֆակուլտետի «Գեղանկարչություն», «Գրաֆիկա» և «Քանդակագործություն» կրթական ծրագրերի ուսանողների համար։ Մրցանակաբաշխությունը կանցկացվի երկու փուլով՝ հունիսի 21-26-ը և հունիսի 27-ին։

---

Նպատակ․ Օժանդակել և աջակցել ՀԳՊԱ-ի ուսանողներին, խթանել ժամանակակից հայ գեղարվեստի բնականոն ընթացքը, հանրությանը ներկայացնել երիտասարդ ստեղծագործողների լավագույն աշխատանքները։

Թեմա․ Բարեշնորհություն, մարդասիրություն, գթասրտություն, բարեպաշտություն, հայրենի հող։

Անվանակարգեր․ Ներկայացվում են աշխատանքներ հետևյալ երեք անվանակարգերում՝

• «Գեղանկարչություն»;
• «Գրաֆիկա»;
• «Քանդակագործություն»:

Մրցանակային տեղեր․ Յուրաքանչյուր անվանակարգում նախատեսված է չորս մրցանակային տեղ՝

• երեք առաջին (180 000 դրամ);
• երեք երկրորդ (120 000 դրամ);
• երեք երրորդ (100 000 դրամ);
• երեք խրախուսական (80 000 դրամ):

Աշխատանքների ցուցադրման տեղ․ ՀԳՊԱ-ի «Ալբերտ և Թովէ Բոյաջյան» ցուցասրահ (Իսահակյան 36):

Ժյուրի․ Չորս հոգի։

Մրցանակաբաշխությանը կից ցուցահանդես․ 2023-ի հունիսի 21-ին, ժամը 13։00-ինը։

Մրցանակաբաշխության ամփոփում․ 2023-ի հունիսի 27-ին, ժամը 12:00-ին։