ՀԳՊԱ-ի Հետազոտական կենտրոնը մասնակցել է «Career City Fest» փառատոնին
Հայաստանի գեղարվեստի պետական ակադեմիայի Հետազոտական կենտրոնը տեղական և միջազգային ընկերությունների աշխատանքային և կրթական գործընթացների կազմակերպման և նորարարական միջոցների կիրառման ուսումնասիրության շրջանակներում մասնակցել է տարածաշրջանում առաջին կարիերայի ապագայի քաղաք՝ «Career City Fest» փառատոնին, որտեղ մեկտեղվել էին տարբեր ոլորտի մասնագետներ, գործատուներ, կրթական կազմակերպությունների և պետական հաստատությունների ներկայացուցիչներ:
«Career City Fest»-ի նպատակն էր ստեղծել մի հարթակ բոլոր այն ընկերությունների համար՝ անկախ ոլորտից և մասշտաբից, որոնք ունեն հստակ առաքելություն և կորպորատիվ մշակույթ։ Միջոցառման շրջանակներում ՀԳՊԱ-ի Հետազոտական կենտրոնի ղեկավար Գ․ Ավետիսյանը մասնակցել է «Future Career Conf» աշխատաժողովին, որտեղ ներկայացվել են դեպի երազանքի կարիերա տանող նորագույն կրթական մի շարք ծրագրեր ու մասնագիտական ուղղվածության առաջնահերթ քայլեր։ Պանելային քննարկման ընթացքում շոշափվել են նաև կրթության և աշխատաշուկայի ապագայի՝ մասնավորապես արհեստական բանականության և անհետացող մասնագիտությունների վերաբերյալ մի շարք հուզող հարցեր։
