Ընդունելություն Արվեստի և արվեստագիտական խորացված ուսումնասիրությունների դպրոց

ԺԱԻ Արվեստի և արվեստաբանության խորացված ուսումնասիրությունների դպրոցը (ԱԱԽՈՒԴ) ընդունում է հայտեր։ Դպրոցը ԺԱԻ կրթական նոր ընդարձակումն է, որը իրականացնում է կրթական հետազոտական եռամյա (1+2) ծրագիր։

Կրթական և հետազոտական աշխատանքները կազմակերպվում են չորս արվեստանոցում, որոնցից յուրաքանչյուրն ընդգրկում է ուսումնասիրության որոշակի ոլորտ.

• հետազոտական հենքով արվեստի պրակտիկաներ,
• կատարողական պրակտիկաներ (կուրատորություն, քննադատություն, հավաքչություն, արխիվացում և այլն),
• պատկերի մշակութային և տեսողական ուսումնասիրություններ (visual studies),
• արվեստի սոցիալական համատեքստի ուսումնասիրություններ։

Արվեստի, արվեստագիտական ու հարակից գիտակարգերի հետ մեկտեղ ուսուցումը ներառում է հետազոտական մոտեցումներ հումանիտար և սոցիալական գիտությունների ոլորտից։ Որպես միջգիտակարգային երկխոսության պրակտիկա՝ ուսուցումը չի ենթադրում առկա գիտելիքների փոխանցմանը միտված առանձին դասախոսություններ կամ դասընթացներ։ Ուսանողները կմասնակցեն սեմինարների, կծանոթանան հետազոտական մեթոդների, ձեռք կբերեն հմտություններ՝ մասնագիտանալով հընթացս ձևավորվող գիտելիքի շուրջ։

Առաջին տարին վճարովի է, իսկ այն ուսանողների համար, ովքեր կշարունակեն ուսումը երկրորդ և երրորդ տարիներին, նախատեսված է կրթաթոշակ։

Դիմելու վերջնաժամկետն է սեպտեմբերի 15-ը։

Դպրոցի, արվեստանոցների, դասախոսների և դիմելու կարգի մասին կարող եք մանրամասն կարդալ այստեղ։

Ընդունելության ընթացքի, դպրոցի ծրագրի և ժամատախտակի և այլ հարցերի պատասխանելու համար ԺԱԻ-ում կանցկացնի տեղեկատվական հանդիպում՝ սեպտեմբերի 6-ին, ժամը 19։30-ին։