Հայտարարվում է մրցույթ թափուր աշխատատեղերի համար

Հայաստանի գեղարվեստի պետական ակադեմիան հայտարարում է մրցույթ հետևյալ թափուր աշխատատեղերի համար.

1. Ուսումնամեթոդական մշակումների և ուսումնական գործընթացի հաշվառման բաժնի մասնագետ

Հիմնական  գործառույթները.

• վարել ուսանողների անձնական գործերը, էլեկտրոնային տվյալների բազան,
• կազմել հաշվետվություններ,
• լրացնել դիպլոմների և դրանց հավելվածների   նմուշները:

Մասնագիտական գիտելիքներին և աշխատանքային հմտություններին ներկայացվող պահանջները. բարձրագույն կրթություն, անգլերենի և ռուսերենի իմացություն, համակարգչային հմտություններ (MS Word, Exel, Access ծրագրերի իմացություն):

2. Կրթական ծրագրերի մշակումների բաժնի մասնագետ

Հիմնական գործառույթները.

• մշակել ձևաչափեր, փաստաթղթեր ուսումնական գործընթացի արդյունավետ իրականացման համար,
• ուսումնասիրել միջազգային փորձը կրթական ծրագրերի բարելավման համար,
• հավաքագրել անհրաժեշտ տեղեկատվություն և փաստաթղթեր ուսումնական գործընթացի վերաբերյալ,
• կազմել արձանագրություններ կազմակերպվող հանդիպումների և վերապատրաստումների ընթացքում,
• մասնակցել միջազգային ծրագրերի մշակմանը՝ ուղղված կրթական ծրագրերի և ուսումնական գործընթացի բարելավմանը:

Անձնային հատկություններ. պարտաճանաչություն, անընդհատ կատարելագործվելու պատրաստակամություն, վերջնաժամկետների պահպանում:

Մասնագիտական գիտելիքներին և աշխատանքային հմտություններին ներկայացվող պահանջները. բարձրագույն կրթություն, կրթության ոլորտի և ոլորտի արդի միտումների իմացություն, հայերեն, անգլերեն և ռուսերեն գրագետ հաղորդակցվելու կարողություն (գրավոր և բանավոր), MS Office,էլ-նամակագրության վարում։

Թափուր աշխատատեղերի հավակնորդները ՀԳՊԱ-ի կադրերի հաշվառման բաժին (ք.Երևան, Իսահակյան 36) պետք է ներկայացնեն հետևյալ փաստաթղթերը.

• դիմում՝ ուղղված ՀԳՊԱ-ի ռեկտորին,
• կադրերի հաշվառման անձնական թերթիկ,
• ինքնակենսագրություն (CV),
• բարձրագույն կրթության դիպլոմի պատճեն,
• 3 լուսանկար՝ 3×4 չափսի,
• արական uեռի անձինք ներկայացնում են նաև զինգրքույկ կամ դրան փոխարինող ժամանակավոր և զորակոչային տեղամաuին կցագրման վկայական կամ համապատաuխան տեղեկանք:

3. Հետազոտական կենտրոնի ղեկավար

Հետազոտական  կենտրոնի  գործառույթներն  են.

• պրոֆեսորադասախոսական կազմի հետազոտական աշխատանքի համակարգում և վերահսկում,
• ՀԳՊԱ-ի «Տարեգիրք» գիտական  պարբերականի հրատարակման ապահովում,
• հանրապետական և միջազգային գիտաժողովներին, արվեստի հետազոտությանը նվիրված այլ միջոցառումներին մասնակցության կազմակերպում,
• արվեստի և հումանիտար գիտությունների ոլորտում հետազոտական, նորարարական ծրագրերի և նախագծերի մշակում ու համակարգում,
• հետազոտական ծրագրերի իրականցման նպատակով տեղական և միջազգային ֆինանսավորման աղբյուրների որոնում,
• ասպիրանտուրայի հետազոտական և կրթական գործընթացի համակարգում և վերահսկում, ասպիրանտական ծրագրերի արդիականության ապահովում,
• մագիստրոսական և  թեկնածուական թեզերի պատրաստման խորհրդատվություն,
• ասպիրանտների և հայցորդների ընդունելության կազմակերպում,
• ասպիրանտների ուսումնական և նախապաշտպանության հետ կապված գործընթացների պլանավորում և կազմակերպում:

Կենտրոնի ղեկավարին ներկայացվող նվազագույն պահանջները.

• կենտրոնի գործառույթների իրականացման կարողություններ,
• հետազոտական գործունեություն,
• անգլերեն լեզվի իմացություն,
• համակարգչային  հմտություններ:

Հետազոտական կենտրոնի  ղեկավարի պաշտոնի հավակնորդը ՀԳՊԱ-ի կադրերի հաշվառման բաժին (ք.Երևան, Իսահակյան 36) պետք է ներկայացնի  հետևյալ փաստաթղթերը.

• դիմում ուղղված ՀԳՊԱ-ի ռեկտորին,
• կադրերի հաշվառման անձնական թերթիկ,
• ինքնակենսագրություն,
• բարձրագույն կրթության վկայականի (դիպլոմի) պատճեն,
• հրատարակված գիտական և/կամ ուսումնամեթոդական աշխատանքների ցուցակ,
• անձնագրի պատճեն,
• մրցույթի մասնակիցը կարող է ներկայացնել նաև գիտամանկավարժական գործունեությունը բնութագրող այլ փաստաթղթեր:

Փաստաթղթերն  ընդունվում են  մինչև ս/թ ապրիլի 29-ը (ներառյալ): Մրցույթը տեղի կունենա ս/թ մայիսի 3-ին, ժ.14:00-ին՝ ՀԳՊԱ-ի 2-րդ հարկի դահլիճում: Լրացուցիչ տեղեկությունների համար դիմել ՀԳՊԱ-ի կադրերի հաշվառման բաժին: Հեռ. (+374) 10 56 07 37: