ՀԳՊԱ-ից ուսանողի հեռացում
1) Ակադեմիական անբավարար առաջադիմություն ցուցաբերելու պատճառով։ Բացառություն են կազմում այն դեպքերը, երբ ընթացիկ ակադեմիական անբավարար առաջադիմություն ցուցաբերած ուսանողները ունեն մինչև 12 կրեդիտ կազմող ակադեմիական պարտքեր՝ մինչև ավարտական ուսումնական տարվա սկիզբը ՀԳՊԱ գնահատման համակարգում սահմանված կարգով ևս երկու վերահանձնելու հնարավորությամբ, ինչից հետո ուսանողները ենթական են հեռացման։
2) Հայաստանի Հանրապետության օրենսդրությամբ, ՀԳՊԱ կանոնադրությամբ, ՀԳՊԱ ներքին կարգապահական կանոնակարգով, ինչպես նաև ՀԳՊԱ և ուսանողի միջև կնքված ուսումնառության պայմանագրով սահմանված պարտականությունները չկատարելու կամ ոչ պատշաճ կատարելու դեպքերում։
3) ՀԳՊԱ-ի կողմից սահմանված ժամկետում ուսման վարձավճարը չվճարելու դեպքում:
ՀԳՊԱ-ից ուսանողի ազատում
1) Իր դիմումի համաձայն։
2) Այլ հաստատություն տեղափոխվելու դեպքում:
ՀԳՊԱ-ից ուսանողի ազատման մասին հրաման իր դիմումի համաձայն չի կարող տրվել, եթե նա ենթակա է հեռացման (ակադեմիական անբավարար առաջադիմության, ուսման վարձը չվճարելու և ՀԳՊԱ նորմատիվ ակտերով ուսանողի պարտականությունները չկատարելու պատճառով)։
Ուսանողի ուսումնառություն դադարեցում
1) Պարտադիր ժամկետային զինվորական ծառայության զորակոչվելու դեպքում։
2) Հղիության և ծննդաբերության, ինչպես նաև մինչև 3 տարեկան երեխայի խնամքի արձակուրդում գտնվելու դեպքերում։
3) Առողջական վիճակի պատճառով ակադեմիական արձակուրդ ձևակերպելու դեպքում:
Պարտադիր զինվորական ծառայության զորակոչից տարկետման իրավունքով ընդունված, սակայն բուհից հեռացված (ազատված) ուսանողը զրկվում է տարկետման իրավունքից:
Քննություններին չներկայացած կամ ակադեմիական անբավարար առաջադիմություն ունեցող ուսանողների ակադեմիական պարտքերի անվճար հիմունքներով մարումն իրականացվում է ՀԳՊԱ-ի գնահատման համակարգում սահմանված ընթացակարգով ձևավորված քննական հանձնաժողովներով:
Ակադեմիական պարտքերի մարման վերջնաժամկետ է սահմանվում մինչև ընթացիկ կիսամյակի երրորդ շաբաթվա ավարտը:
