Հայտարարություն

Հայաստանի գեղարվեստի պետական ակադեմիայի 2020/2021Թ. ուսումնական տարվա առաջին կուրսի հարգարժան ուսանողներ։ ՀՀ ԿԳՄՍ նախարարության հայտարարության համաձայն, Սեպտեմբերի 1-ին բուհերում դասապրոցեսը կմեկնարկի միայն բակալավրի առաջին կուրսի ուսանողների համար: Մյուս բոլոր ուսանողների համար դասերի մեկնարկը տրվելու է սեպտեմբերի 15-ից: Բուհերը իրենք են որոշելու դասապրոցեսի կազմակերպման եղանակը` այն իրականացնելով հիբրիդային եղանակով` առկա և հեռավար: Մանրամասները բուհերը կհրապարակեն իրենց պաշտոնական կայքերում և սոցիալական էջերում, դասացուցակի մասին կհայտնեն լրացուցիչ:

---

Այդ կապակցությամբ Հայաստանում կորոնավիրուսային համավարակի (COVID-19) կանխարգելման, վերահսկման, բուժման և այլ համալիր միջոցառումների շրջանակներում պարտադիր հարկավոր է կիրառել անվտանգության մի շարք կանոններ, որոնք կնպաստեն համավարակից խուսափելու, ինչպես նաև այն տարածելու գործում։

Հայաստանի գեղարվեստի պետական ակադեմիայի «Գեղանկարչություն» բաժին ընդունված բոլոր ուսանողները սույն թվականի սեպտեմբերի 1-ին ժամը 9:30-ին պետք է ներկա լինեն գլխավոր մասնաշենքի մուտքի մոտ (Իսահակյան 36)։

Հայաստանի գեղարվեստի պետական ակադեմիայի «Գրաֆիկա» բաժին ընդունված բոլոր ուսանողները սույն թվականի սեպտեմբերի 1-ին ժամը 10:00-ին պետք է ներկա լինեն գլխավոր մասնաշենքի մուտքի մոտ (Իսահակյան 36)։

Հայաստանի գեղարվեստի պետական ակադեմիայի «Քանդակագործություն», «Կիրառական արվեստ», «Արվեստի պատմություն և տեսություն» բաժիններ ընդունված բոլոր ուսանողները սույն թվականի սեպտեմբերի 1-ին ժամը 10:30-ին պետք է ներկա լինեն գլխավոր մասնաշենքի մուտքի մոտ (Իսահակյան 36)։

Հայաստանի գեղարվեստի պետական ակադեմիայի «Հագուստի մոդելավորում» բաժին ընդունված բոլոր ուսանողները սույն թվականի սեպտեմբերի 1-ին ժամը 9:30-ին պետք է ներկա լինեն բուհի երկրորդ մասնաշենքի մուտքի մոտ (հասցե՝ Սարմենի 1, որտեղ անց են կացվել ընդունելության քննությունները)։

Հայաստանի գեղարվեստի պետական ակադեմիայի «Համակարգչային գրաֆիկա» բաժին ընդունված բոլոր ուսանողները սույն թվականի սեպտեմբերի 1-ին ժամը 10:00-ին պետք է ներկա լինեն բուհի երկրորդ մասնաշենքի մուտքի մոտ (հասցե՝ Սարմենի 1, որտեղ անց են կացվել ընդունելության քննությունները)։

Հայաստանի գեղարվեստի պետական ակադեմիայի «Դիզայն» և «Ինտերիերի դիզայն» բաժիններ ընդունված բոլոր ուսանողները սույն թվականի սեպտեմբերի 1-ին ժամը 10:30-ին պետք է ներկա լինեն բուհի երկրորդ մասնաշենքի մուտքի մոտ (հասցե՝ Սարմենի 1, որտեղ անց են կացվել ընդունելության քննությունները)։

Անվտանգության միջոցառումներ

• ՀԳՊԱ-ի վարչակազմը հորդորում է բոլորին բուհի մուտքի մոտ պահպանել միմյանց նկատմամբ 1,5-2 մետր սոցիալական հեռավորություն, կրել դիմակ, որով պարտադիր փակ կլինեն ձեր քիթն ու բերանը։
• Մուտքի մոտ ջերմաչափվելուց և ձեռքերը հատուկ լուծույթով ախտահանելուց հետո միայն բուհի ներկայացուցիչը Ձեզ կուղեկցի սրահ։
• Սրահում նույնպես պետք է պահպանել միմյանց նկատմամբ 1,5-2 մետր սոցիալական հեռավորություն, կրել դիմակ և հարկ եղած դեպքում ձեռքերն ախտահանել սրահում առկա ախտահանիչ լուծույթով։
• Լսարաններում՝ դասընթացների ժամանակ, ինչպես նաև արվեստանոցներում՝ գործնական պարապմունքների ընթացքում ուսանողներն ու դասախոսը միմյանց նկատմամբ պետք է պահպանեն 1,5-2 մետր սոցիալական հեռավորություն, կրեն դիմակ։ Հարկ եղած դեպքում ձեռքերն ախտահանեք լսարանում կամ արվեստանոցում առկա ախտահանիչ լուծույթով։
• Դասամիջոցներին ուսանողները, բուհի աշխատակիցներն ու դասախոսները միմյանց նկատմամբ պետք է պահպանեն 1,5-2 մետր սոցիալական հեռավորություն, կրեն դիմակ։
• Ուսումնական պրոցեսի հետ կապված այլ մանրամասնություններին կծանոթանաք բուհում, դեկանների, ամբիոնների վարիչների և դասախոսների միջոցով։

 

 

Սիրելի ուսանողներ, հակահամաճարակային կանոնների որակյալ պահպանումը դասապրոցեսի անընդհատության ապահովման գրավականն է: Այս ամենին պատշաճ չվերաբերվելու դեպքում սահմանափակումներն անխուսափելի են:

ՀԳՊԱ-Ի վարչակազմ