ՀԳՊԱ դասախոսներին և ուսանողներին
Տեղեկացնում ենք, որ սույն թվականի փետրվարի 24-28-ը Հայաստանի գեղարվեստի պետական ակադեմիայում (ՀԳՊԱ) և Երևանի թատրոնի և կինոյի պետական ինստիտուտում (ԵԹԿՊ) տեղի կունենա աշխատաժողով և փորձի փոխանակում Իռլանդիայի արվեստի, դիզայնի և տեխնոլոգիայի ինստիտուտի առաջատար դասախոսների և անձնակազմի ներկայացուցիչների հետ:
Սեմինար-քննարկումների ընթացքում կներկայացվեն միջոլորտային կրթական ծրագրերի գնահատման ձևերը, Իռլանդիայի արվեստի, դիզայնի և տեխնոլոգիայի ինստիտուտի դիզայնի, ֆիլմի և անիմացիայի կրթական ծրագրերը և դրանց առանձնահատկությունները: Տեղի կունենա գործիքակազմի մշակման ուղղությամբ աշխատաժողով բուհերի պրոֆեսորադասախոսական կազմի և ուսանողների մասնակցությամբ: Անդրադարձ կկատարվի նաև միջազգայնացման արդի խնդիրներին և ուսանողների շարժունության հետագա հնարավորություններին և համագործակցության ընդլայնմանը: Հանդիպումները իրականացվում են Էրազմուս+ միջազգային շարժունության ծրագրի շրջանակներում:
ՀԳՊԱ-ն սիրով հրավիրում է շահագրգիռ դասախոսներին և ուսանողներին մասնակցելու հանդիպումներին: Միջոցառումը կանցկացվի թարգմանությամբ: Օրակարգը ներկայացվում է կից:
