Հայտարարություն

Ռուսաստանյան «Գամմա» ընկերությունը հրավիրում է ՀԳՊԱ-ի դասախոսներին և ուսանողներին՝ մասնակցելու «Զգացմունքների գամմա» փառատոնին։ Այդ մասշտաբային իրադարձությունը կայանալու է ՌԴ Ռյազան քաղաքում (Մոսկովյան մայրուղի 147, շինություն 1): Մասնակցությունն անվճար է, մրցույթի համար ընդունվում են ազատ թեմայով աշխատանքներ՝ կատարված ջրաներկով, յուղաներկով, ակրիլով, գուաշով, չոր պաստելով, խառը տեխնիկայով։

Մասնակցել կարող են նաև 14 տարեկանը բոլորած և մեծ, ոչ պրոֆեսիոնալ նկարիչներ աշխարհի ցանկացած անկյունից։

Փառատոնն անցկացվելու է երեք փուլով։

Առաջին փուլ (27 մարտ – 1 մայիս, 2023) – աշխատանքների հավաքագրում մասնակիցներից (լուսանկարներ)։

Երկրորդ փուլ (1 մայիս – 10 մայիս, 2023) – Ռյազանում կայանալիք ցուցահանդեսի աշխատանքների ընտրություն։ Ցուցահանդեսի հաղթողների հայտարարում. 1-ին, 2-րդ, 3-րդ կարգի դիպլոմներ, գրան-պրի, և երեք անվանակարգ. «Ցայտուն հերոս»,  «Ուժեղ զգացմունք», «Նոր հայացք»։

Երրորդ փուլ (2 հունիս – 11 հունիս, 2023) – ցուցահանդես  Պոժալուստինի անվան գեղարվեստական թանգարանի երկու դահլիճներում։ Կազմակերպիչները նախատեսում են ցուցադրել 150 աշխատանք։ 2023-ի հունիս 2-ին հաղթողների պարգևատրում։