Հայաստանի գեղարվեստի պետական ակադեմիան հայտարարում է գեղանկարչության, գրաֆիկայի, բրուտագործության, գորգագործության, մետաղի գեղարվեստական մշակման և արվեստի պատմության դասընթացների կազմակերպման մասին։ Դասընթացները կազմակերպվելու են տարբեր տարիքային խմբերի անձանց համար Ակադեմիայի արվեստանոցներում և լաբորատորիաներում:
Դասընթացները ներառելու են.
- Գեղանկարչություն,
- Գրաֆիկա՝ լինոփորագրություն և մենատիպ,
- Քանդակագործություն,
- Բրուտագործություն,
- Մետաղի գեղարվեստական մշակում,
- Գորգագործություն (կարպետ և գոբելեն),
- Արվեստի պատմություն՝ դասընթացներ կերպարվեստով հետաքրքրված անձանց համար և մասնագիտական թեքումով դասընթացներ զբոսաշրջության ոլորտի ներկայացուցիչների համար։
Դասընթացները տեղի են ունենալու շաբաթը մեկ անգամ՝ շաբաթ օրերին, բացառությամբ արվեստի պատմության դասընթացների, որոնք կազմակերպվելու են շաբաթը երկու անգամ։
Գնացուցակ
| Դասընթաց | Առանց տարիքային սահմանափակման (ՀՀդրամ 4 դասընթացի համար) |
| Գեղանկարչություն | 20 000 |
| Գրաֆիկա | 20 000 |
| Քանդակագործություն | 25 000 |
| Բրուտագործություն | 20 000 |
| Մետաղի գեղարվեստական մշակում | 30 000 |
| Գորգագործություն | 20 000 |
| Արվեստի պատմություն (սիրողական) | 15 000 |
| Արվեստի պատմություն (մասնագիտական) | 25 000 |
Խմբերում գրանցվելու և հավելյալ տեղեկություններ ստանալու համար բոլոր ցանկացողները կարող են զանգահարել (010) 56-18-55 և (010) 54-27-06 հեռախոսահամարներով ժամը 10։00-16։00 կամ մոտենալ ՀԳՊԱ, «Ալբերտ և Թովէ Բոյաջյան» ցուցասրահ։
