ՀԱՅՏԱՐԱՐՈՒԹՅՈՒՆ
ՊԵՏՈՒԹՅԱՆ ԿՈՂՄԻՑ ՈՒՍՄԱՆ ՎԱՐՁԻ ՓՈԽՀԱՏՈՒՑՄԱՆ ՆՊԱՏԱԿՈՎ ՓԱՍՏԱԹՂԹԵՐԻ ԸՆԴՈՒՆՈՒՄ
Հարգելի ուսանողներ, խնդրում ենք սեպտեմբերի 2-ից մինչև սեպտեմբերի 30-ը ուսումնական մաս ներկայացնել ձեր կարգավիճակը հաստատող փաստաթղթերը պետության կողմից ուսման վարձի մասնակի կամ լրիվ փոխհատոցում ստանալու համար։
- Սոցիալապես անապահով ընտանիքներից ուսանողների ուսման վարձի մասնակի փոխհատուցում.
Անհրաժեշտ փաստաթղթեր՝ տեղեկանք սոցիալական աջակցության տարածքային գործակալությունից սոցիալապես անապահով ընտանիքների համակարգում հաշվառված լինելու մասին՝ անապահովության միավորի և ընտանիքի սոցիալական անձնագրի համարի նշումով։
- Երկու և ավելի անչափահաս երեխա ունեցող բակալավրի կրթական ծրագրով սովորող ուսանողների ուսման վարձի փոխհատուցում:
Անհրաժեշտ փաստաթղթեր՝ երեխաների ծննդյան վկայականների պատճեները։
- Սոցիալական աջակցություն ստացող համայնքներից ուսանողների ուսման վարձի մասնակի փոխհատուցում.
Անհրաժեշտ փաստաթղթեր՝ տեղեկանք տվյալ համայնքում հաշվառված և վերջին 5 տարիների ընթացքում տվյալ համայնքում մշտապես բնակվելու մասին։
Ուսման վարձի փոխհատուցում ստանալու համար ուսանողը պետք է նաև ավարտած լինի տվյալ համայնքի հանրակրթական ուսումնական հաստատությունը (ստուգվում է ատեստատով)։
Սոցիալական աջակցություն ստացող համայնքների ցանկը ներկայացված է ՀՀ Կառավարության 2014 թվականի դեկտեմբերի 18-ի N 1444-Ն որոշման մեջ.
- Մարտական գործողություններին մասնակցած ուսանողների ուսման վարձի մասնակի փոխհատուցում
Անհրաժեշտ փաստաթղթեր՝ զինգրքույկի կամ տեղեկանքի պատճեն՝ մարտական գործողություններին մասնակցելու մասին տեղեկատվությամբ։
ՀԳՊԱ-ի Ուսումնական մաս.
Հեռ․՝ 010.54.27.06
ԸՆՏՐՈՎԻ ԴԱՍԸՆԹԱՑՆԵՐԻ ԳՐԱՆՑՈՒՄ 4-ՐԴ ԿՈՒՐՍԻ ՈՒՍԱՆՈՂՆԵՐԻ ՀԱՄԱՐ
Բուհում մեկնարկում է 2024/2025 ուսումնական տարվա 4-րդ կուրսում մոդուլային համակարգով սովորող բոլոր ուսանողների համար ընտրովի դասընթացներին գրանցումը:
Գրանցվելու համար անցեք հետևյալ հղումով՝
Read More
ԱՐԵՎԵԼՔԻ ԱՐԵՎԱՅԻՆ ԳՈՒՆԱՊՆԱԿ
Տպավորություններ պլեներից
Սույն թվականի հուլիսի 11-19-ը Ղրղզստանում անցկացվեց «ԱՐԵՎԵԼՔԻ ԱՐԵՎԱՅԻՆ ԳՈՒՆԱՊՆԱԿ» վերնագիրը կրող միջազգային պլեները, որին մասնակցեցին նաև Հայաստանի գեղարվեստի պետական ակադեմիայի Գյումրու մասնաճյուղի դասախոս Վաչագան Ազատյանը և ՀԳՊԱ-ի ուսանողներ Լուսինե Գաբրիելյանը և Մուշեղ Հակոբյանը: Պլեներն անց է կացվել Նարինսկի շրջանում, որտեղ տարբեր երկրների ուսանողներն ու դասխոսները պատկերել են տեղի բնությունը:
Մասնակիցներն իրենց տպավորություններով կիսվել են մեզ հետ.
«Տպավորված եմ ճամփորդությունով, նոր երկիր, նոր մշակույթ, նոր ծանոթություններ, նոր ընկերներ։ Ինձ հետ բերել եմ անմոռանալի ու վառ հիշողություններ ամբողջ կյանքիս համար։ Շնորհակալ եմ Ղրղզստան քո հյուրընկալության ու ջերմ ընդունելության համար», ասաց Վաչագան Ազատյանը։
«Մենք վերադարձել ենք վառ ու ջերմ հիշողություններով՝ տպավորված Ղրղզստանի մշակույթից, բնությունից ու մարդկանց ջերմ ընդունելությունից: Հատկապես տպավորիչ էր այնտեղ տեղի ունեցած մշակութային փառատոնը, որին մասնակցել ենք նաև մենք: Այս պլեների ընթացքում ձեռք բերեցինք մեծ փորձ այլ երկրների նկարիչների հետ շփվելով և մեր գիտելիքներով կիսվեցինք մյոսների հետ», պատմեց Լուսինե Գաբրիելյանը։
Մուշեղ Հակոբյանը բացի Նարինսկը պատկերելուց, զարդարեց բնությունը իր քանդակներով:
Հուլիսի 24-ին Ղրղզտանում տեղի ունեցավ պլեների ընթացքում կատարված աշխատանքների ցուցահանդեսը:
Հայաստանի գեղարվեստի պետական ակադեմիան իր շնորհակալությունն է հայտնում Ղրղզստանի մշակույթի, սպորտի և երիտասարդության նախարարությանը և «ԱՐՏ-ԱՐԱԲԱ» հասարակական հիմնադրամին և Ղրղզստանի Հանրապետության մշակույթի և տեղեկատվության նախարարության արվեստի զարգացման վարչության գլխավոր մասնագետ ԴԱՄԻՐԱ ԱԼԻՇԲԱԵՎԱՅԻՆ այս միջացառման կազմակերպման և իրականացման համար:
ՀԳՊԱ-ի Արտաքին կապերի բաժին
