Նորություններ

Հայտարարություն

ՀԱՅԱՍՏԱՆԻ ԳԵՂԱՐՎԵՍՏԻ ՊԵՏԱԿԱՆ ԱԿԱԴԵՄԻԱՅԻ (ՀԳՊԱ) ՀԱՐԳԵԼԻ ԴԱՍԱԽՈՍՆԵՐ

Սիրով տեղեկացնում ենք, որ Իսպանիայի Կաստելո քաղաքի արվեստի և դիզայնի համալսարանի (https://easdcastello.org/en/home-en/ ) հետ ձեռք բերված Էրազմուս+ շարժունության ծրագրի շրջանակներում ՀԳՊԱ-ին հատկացվել է մեկ դասախոսի փոխանակման հնարավորություն։

Բուհի այն դասախոսները, ովքեր կցանկանան մասնակցել ծրագրին և մեկշաբաթյա դասախոսությամբ հանդես գալ վերոնշյալ հաստատությունում 2024-2025 ուս․ տարվա 1-ին կիսամյակի ընթացքում, կարող են դիմել Արտաքին կապերի բաժին մինչև սույն թվականի հուլիսի 8-ը ներառյալ։

Ծրագրին մասնակցելու համար կարևոր նախապայման են՝

• B1-B2 մակարդակին համապատասխան անգլերեն լեզվի իմացությունը 
• դիզայնի ոլորտին վերաբերող առարկայի դասավանդումը

Հարգանքով՝ Արտաքին կապերի բաժին

«ԷՐԱԶՄՈՒՍ+ ՈՒՍԱՆՈՂԱԿԱՆ ԾՐԱԳՐԻ ՇՐՋԱՆԱԿՆԵՐՈՒՄ

Կիրառական արվեստ մասնագիտության դեկորատիվ կիրառական արվեստ կրթական ծրագրի բակալավրի 2-րդ կուրսի ուսանողուհի Ալիսա Աստվածատրյանը և կերպարվեստ մասնագիտության քանդակագործություն կրթական ծրագրի բակալավրի 2-րդ կուրսի ուսանող Արայիկ Մարգարյանը 2023-2024 ուսումնական տարվա 2-րդ կիսամյակը անց են կացրել Ռումինիայի Կլուժ-Նապոկա ք․-ի Արվեստի և դիզայնի համալսարանում:

Ստորև ներկայացնում ենք վերջիններիս տպավորությունները տվյալ համալսարանից, երկրից և, առհասարակ, այնտեղ անցկացրած կիսամյակից

 «ԷՐԱԶՄՈՒՍ+ ՈՒՍԱՆՈՂԱԿԱՆ ԾՐԱԳՐԻ ՇՐՋԱՆԱԿՆԵՐՈՒՄ ճամփորդությունը Ռումինիայի Կլուժ-Նապոկա քաղաք մեծ տպավորություն է թողել իմ վրա։ Խեցեգործության ֆակուլտետի ուսումնական ծրագիրը շատ տարբերվում էր մեր Ակադեմիայի ծրագրից` նրանք չունեին հստակ դասացուցակ, դասերը անցնում էին դասընթացների (workshop) տեսքով։ Ըստ իս, դա ընդարձակում է ստեղծագործական միտքը, թույլ է տալիս ավարտական կետի հասցնել գործը յուրաքանչյուր փուլում։
Հետաքրքիր էր ուսումնասիրել մի երկրի մշակույթ, որի մասին քիչ տեղեկություններ ունեի, խորանալ Ռումինիայի արվեստի և հարուստ պատմության մեջ։
Տեղացի և այլ Էրազմուս+ ուսանողների հետ շփումը և գիտելիքներով փոխանակումը ընդլայնեցին իմ մտահորիզոնը: Շատ հետաքրքիր էր ընկերներ ձեռք բերել աշխարհի տարբեր ծայրերից, ինչպես նաև թեթևակի ծանոթանալ նաև նրանց մշակույթի հետ»։

Ալիսա Աստվածատրյան

«Իմ ճամփորդությունը դեպի Կլուժ-Նապոկա, Ռումինիա, անմոռանալի փորձ էր:  Կլուժ-Նապոկայի Արվեստի և դիզայնի համալսարանում սովորելը և՛ ոգեշնչող, և՛ հարստացնող էր:  Համալսարանի կենսունակ համայնքը և դասախոսները ստեղծեցին խթանող միջավայր, որտեղ ես հնարավորություն ունեցա սովորել և իրականացնել իմ բոլոր մտահղացումները: Բացի քանդակագործությունից ես նաև հնարավորություն ունեցա այնտեղ ուսումնասիրել խեցեգործություն։ Այն շատ ոգեշնչող էր և տպավորիչ, քանի որ այն զարգացրեց և բարելավեց իմ մասնագիտական գիտելիքները։ 

Այնտեղ գտնվելու ընթացքում ես խորասուզվեցի ռումինական մշակույթի մեջ, ուսումնասիրեցի Կլուժ-Նապոկա գեղեցիկ քաղաքը և բազում այլ քաղաքներ Ռումինիայում։ Լավագույն արդյուքներից մեկը թերևս հարատև ընկերական հարաբերություններ հաստատելն էր աշխարհի տարբեր երկրներից ժամանած ընկերների հետ:  Դե իսկ քաղաքի պատմական հմայքի և ժամանակակից աշխուժության միաձուլումն ամեն օրն արկածային էր դարձնում։

Ես, իհարկե, խորհուրդ եմ տալիս այս փորձը բոլորին։ Դա աճի, սովորելու և ուսումնասիրելու ճանապարհորդություն է, որը ես միշտ կհիշեմ:»

Արայիկ Մարգարյան

ՀԱՅՏԱՐԱՐՈՒԹՅՈՒՆ

Սիրելի ՀԳՊԱ աշխատակիցներ,

Տեղեկացնում ենք, որ համաձայն Հայաստանի գեղարվեստի պետական ակադեմիայի և Գրանադայի համալսարանի (Իսպանիա) միջև վերակնքված Էրազմուս+ համաձայնագրի, բուհի վարչական աշխատակիցներից մեկը հնարավորություն կունենա մասնակցելու մեկշաբաթյա վերապատրաստման դասընթացների։

Դասընթացը նախատեսված է Արտաքին կապերի բաժնի աշխատակիցների համար և կրում է «Միջազգայնացում և փոխանակման գործընթացի կազմակերպում» խորագիրը:

Մասնակցության համար անհրաժեշտ պայման է անգլերեն լեզվի իմացությունը (B2-C1):

Դիմել վերջնաժամկետն է՝ սույն թվականի հուլիսի 14-ը ներառյալ։

Գրանադայի համալսարանի մասին ավելի մանրամասն տեղեկատվություն կարող եք ունենալ հետևյալ հղումով՝ https://www.ugr.es/

Արտաքին կապերի բաժին