ԴԱՍԸՆԹԱՑՆԵՐ ԳՐԱՆԱԴԱՅԻ ՀԱՄԱԼՍԱՐԱՆՈՒՄ
Սույն թվականի հոկտեմբերի 21-25-ը Հայաստանի գեղարվեստի պետական ակադեմիայի Արտաքին կապերի բաժնի աշխատակից ՆԱԻՐԱ ՍՏԵՓԱՆՅԱՆԸ մասնակցեց Գրանադայի համալսարանի դասընթացներին ու հանդիպումներին, որոնք նախատեսված էին հենց գործընկեր հաստատությունների արտաքին կապերի աշխատակիցների համար։
ԹԱՎՐԻԶԻ ԻՍԼԱՄԱԿԱՆ ԱՐՎԵՍՏԻ ՀԱՄԱԼՍԱՐԱՆԻ ՊԱՏՎԻՐԱԿՈՒԹՅԱՆ ԱՅՑԸ
2024 թ․ սեպտեմբերի 19-ին Հայաստանի գեղարվեստի պետական ակադեմիա այցելեց Իրանի Իսլամական Հանրապետության (ԻԻՀ) Թավրիզի Իսլամական արվեստի համալսարանի պատվիրակությունը։ Պատվիրակության կազմում էին՝
- Թավրիզի Իսլամական արվեստի համալսարանի ռեկտոր, պրոֆ․ Սաջջատ Պադզադը (Sajjad Padzad)
- Թավրիզի Իսլամական արվեստի համալսարանի ռեկտորի խորհրդական պրոֆ․ Սաեիդ Կավեկը (Saeid Kavek)
- Թավրիզի Իսլամական արվեստի համալսարանի միջազգային կապերի գծով պրոռեկտոր, պրոֆ․ Ֆարհադ Ախունդին (Farhad Akhoundi)
- ՀՀ-ում ԻԻՀ դեսպանության մշակույթի կենտրոնի մշակութային հարցերով խորհրդական Մոհամմադ Ասադի Մովահեդը (Mohammad Asadi Movahed)
- ՀՀ-ի և ԻԻՀ-ի միջեւ մշակութային հարցերով խորհրդական Հաբիբ Դիդարը (Habib Didar)
Այցի նպատակն էր՝
- ամրապնդել երկու բուհերի միջմշակութային կապերը․
- երկկողմանի համագործակցության վերաբերյալ միջբուհական գործող պայմանագրի քննարկումը․
- երկու ուսումնական հաստատությունների միջև համագործակցության ամրապնդմանը ուղղված քայլերի հստակեցումը․
- մեր բուհում պարսկերեն լեզվի և մշակույթի զարգացման հեղանկարները․
- Իսլամական արվեստի ուսուցումը․
- խեցեգործության և գորգագործության ոլորտում եղած ավանդույթների և փորձի փոխանակումը․
Այցի նպատակնից էր նաև յուրաքանչյուր վերոնշյալ գործողության շարունակականության քննարկումն ու ապահովումը։
ՀԳՊԱ-ի Արտաքին կապերի բաժին
ԱՐԵՎԵԼՔԻ ԱՐԵՎԱՅԻՆ ԳՈՒՆԱՊՆԱԿ
Տպավորություններ պլեներից
Սույն թվականի հուլիսի 11-19-ը Ղրղզստանում անցկացվեց «ԱՐԵՎԵԼՔԻ ԱՐԵՎԱՅԻՆ ԳՈՒՆԱՊՆԱԿ» վերնագիրը կրող միջազգային պլեները, որին մասնակցեցին նաև Հայաստանի գեղարվեստի պետական ակադեմիայի Գյումրու մասնաճյուղի դասախոս Վաչագան Ազատյանը և ՀԳՊԱ-ի ուսանողներ Լուսինե Գաբրիելյանը և Մուշեղ Հակոբյանը: Պլեներն անց է կացվել Նարինսկի շրջանում, որտեղ տարբեր երկրների ուսանողներն ու դասխոսները պատկերել են տեղի բնությունը:
Մասնակիցներն իրենց տպավորություններով կիսվել են մեզ հետ.
«Տպավորված եմ ճամփորդությունով, նոր երկիր, նոր մշակույթ, նոր ծանոթություններ, նոր ընկերներ։ Ինձ հետ բերել եմ անմոռանալի ու վառ հիշողություններ ամբողջ կյանքիս համար։ Շնորհակալ եմ Ղրղզստան քո հյուրընկալության ու ջերմ ընդունելության համար», ասաց Վաչագան Ազատյանը։
«Մենք վերադարձել ենք վառ ու ջերմ հիշողություններով՝ տպավորված Ղրղզստանի մշակույթից, բնությունից ու մարդկանց ջերմ ընդունելությունից: Հատկապես տպավորիչ էր այնտեղ տեղի ունեցած մշակութային փառատոնը, որին մասնակցել ենք նաև մենք: Այս պլեների ընթացքում ձեռք բերեցինք մեծ փորձ այլ երկրների նկարիչների հետ շփվելով և մեր գիտելիքներով կիսվեցինք մյոսների հետ», պատմեց Լուսինե Գաբրիելյանը։
Մուշեղ Հակոբյանը բացի Նարինսկը պատկերելուց, զարդարեց բնությունը իր քանդակներով:
Հուլիսի 24-ին Ղրղզտանում տեղի ունեցավ պլեների ընթացքում կատարված աշխատանքների ցուցահանդեսը:
Հայաստանի գեղարվեստի պետական ակադեմիան իր շնորհակալությունն է հայտնում Ղրղզստանի մշակույթի, սպորտի և երիտասարդության նախարարությանը և «ԱՐՏ-ԱՐԱԲԱ» հասարակական հիմնադրամին և Ղրղզստանի Հանրապետության մշակույթի և տեղեկատվության նախարարության արվեստի զարգացման վարչության գլխավոր մասնագետ ԴԱՄԻՐԱ ԱԼԻՇԲԱԵՎԱՅԻՆ այս միջացառման կազմակերպման և իրականացման համար:
ՀԳՊԱ-ի Արտաքին կապերի բաժին
