Համագործակցության հուշագիր ՀԳՊԱ-ի և «ՄԵՍՍԻՎ.»-ի միջև
Հայաստանի գեղարվեստի պետական ակադեմիան համագործակցության հուշագիր կնքեց «ՄԵՍՍԻՎ.» ՍՊԸ-ի հետ՝ ընդլայնելով գործունեության շրջանակը և խթանելով նորարարությունները դիզայնի ոլորտում։
Հուշագրի շրջանակում կկազմակերպվեն ու կանցկացվեն մի շարք ուսումնական մոդուլներ, հանդիպումներ և վարպետաց դասեր: Այդ ընթացքում ՀԳՊԱ-ի ուսանողները կկարողանան ձեռք բերել վեբ-դիզայնի ոլորտում նոր հմտություններ, զարգացնել կարողունակությունները՝ պատրաստ մուտք գործելու աշխատաշուկա և ծավալելու մասնագիտական գործունեություն:
Որպես առաջին համատեղ գործընթաց՝ արդեն մեկնարկել է «Համագործակցային նախագիծ» մոդուլը, որտեղ ուսանողներն աշխատում են իրական նախագծի շուրջ՝ համատեղելով ուսումն ու մասնագիտական գործունեությունը: Մոդուլը միտված է զարգացնելու վեբ-դիզայնի ուսանողների մասնագիտական-գործնական և վերլուծական, ինչպես նաև թիմում և պատվիրատուի հետ աշխատելու հմտությունները։ Այն պատրաստելու է ուսանողներին ապագա գործունեությունը գործնական միջավայրում ծավալելուն:
