Արտաքին կապերի բաժնի տեղեկատվական և իրազեկման օրեր ՀԳՊԱ-ում
Սույն թվականի հոկտեմբերի 24-28-ը տեղի ունեցան Արտաքին կապերի բաժնի տեղեկատվական և իրազեկման օրերը ՀԳՊԱ-ի ուսանողադասախոսական կազմի համար։
Հանդիպումների ընթացքում շնորհանդեսի տեսքով ներկայացվեցին ՀԳՊԱ-ի և արտասահմանյան բուհերի միջև գործող պայմանագրերը և համագործակցությունը, ուսանողների և դասախոսների փոխանակման ծրագրերին մասնակցելու հնարավորությունները, Էրազմուս+ ծրագրին դիմելու հնարավորությունները, պահանջները և անհրաժեշտ փաստաղթերի ցանկը, ինչպես նաև լավագույն փորձի օրինակներ, որ արձանագրվել են բաժնի գործունեության 15 տարիների ընթացքում։ Հանդիպումների շարքը բավականին ինտերակտիվ էր և ուղեկցվեց հարցուպատասխաններով, որի ընթացքում ուսանողները հերթական անգամ տեղեկացան շարժունության ծրագրերի առկա հնարավորությունների և մասնակցության չափանիշների մասին։
