Իրազեկման օրեր ՀԳՊԱ-ում առաջին կուրսեցիների համար
Հայաստանի գեղարվեստի պետական ակադեմիայի առաջին կուրսի ուսանողները սեպտեմբերի 9-17-ը ծանոթացան բուհի կողմից մատուցվող ծառայություններին: ՀԳՊԱ-ում ուսանողական կյանք և կրթական նոր միջավայր հաջողությամբ ինտեգրվելու նպատակով անցկացվեցին իրազեկման օրեր, որոնց ընթացքում բուհի կրթական բոլոր ծրագրերի առաջին կուրսի ուսանողները հանդիպումներ ունեցան ՀԳՊԱ-ի Ուսանողների աջակցման և շրջանավարտների հետ համագործակցության կենտրոնի, Ուսումնամեթոդական մշակումների և ուսանողների հաշվառման բաժնի, Արտաքին կապերի բաժնի, Որակի ապահովման կենտրոնի և Ուսանողական խորհրդի ներկայացուցիչների հետ:
Ուսանողներին մանրամասն ներկայացվեցին ՀԳՊԱ-ի ծառայությունները, ուսանողական նպաստից օգտվելու, ակադեմիական բարձր առաջադիմություն ցուցաբերելիս առավելությունների, միջազգային շարժունության և փոխանակման ծրագրերի հնավորությունների, ինչպես նաև ուսանողական ակտիվ գործունեություն ու կամավորություն կատարելու մասին տեղեկություններ: ՀԳՊԱ-ի Ուսանողական խորհուրդն անդրադարձավ կառույցի հիմնական գործառույթներին ու պլանավորվող միջոցառումներին, որոնց կարող են ակտիվորեն մասնակցել նաև առաջին կուրսի ուսանողները:
ՀԳՊԱ-ի Ուսանողների աջակցման և շրջանավարտների հետ համագործակցության կենտրոնը կարևորում է իրազեկման օրերի և նման հանդիպումների անցկացումը և շարունակաբար ներկայացնելու է ծառայությունների, կազմակերպվող իրադարձությունների և ակադեմիական կյանքին ինտեգրվելու ուղղությամբ իրականացվող միջոցառումները, որոնք կնպաստեն բոլոր ուսանողների համար առողջ, մրցակցային, ակտիվ ու ներառական միջավայրի ապահովմանը:
