«ԿՈՒՐԱՏՈՐԱԿԱՆ ՍԵՄԻՆԱՐ». ՀԵՐԹԱԿԱՆ ՄԻՋՈՑԱՌՈՒՄԸ

Այսօր Հայաստանի գեղարվեստի պետական ակադեմիայում տեղի ունեցավ արդեն կարծես ավանդույթ դարձած ու թափ հավաքած «ԿՈՒՐԱՏՈՐԱԿԱՆ ՍԵՄԻՆԱՐ» հանրային բանախոսությունների շարքի հերթական միջոցառումը։ Այս անգամ «Ալբերտ և Թով Բոյաջյան» ցուցասրահի հյուրն էր Երևանում Ռուսական արվեստի թանգարանի տնօրեն, «Եվրոպական թանգարանային ֆորում»-ի ազգային քարտուղար, արվեստաբան և համադրող ՄԱՐԻՆԵ ՄԿՐՏՉՅԱՆԸ։

Դասախոսության ընթացքում նա ներկայացրեց Ռուսական արվեստի թանգարանում իրականացված լավագույն ցուցահանդեսները, որոնք համադրողական աշխատանքի, արվեստի ստեղծագործությունը հանրությանը նորովի ներկայացնելու փորձեր էին։