Ճանաչողական այց Լոնդոնի Արվեստի համալսարան
ՀԳՊԱ-ի ռեկտորի ժամանակավոր պաշտոնակատար Մկրտիչ Այվազյանը հայաստանյան բարձրաստիճան պատվիրակության կազմում մասնակցել է Բրիտանական խորհրդի հայաստանյան մասնաճյուղի կողմից կազմակերպված Լոնդոնի արվեստի համալսարան ճանաչողական այցին, որտեղ ներկայացրել է ՀԳՊԱ-ի ռազմավարական ուղղությունները, կառուցվածքը, գործունեությունը, առաջարկվող կրթական ծրագրերը և զարգացման ուղղությունները:
Հայաստանյան պատվիրակության ճանաչողական այցը տեղի է ունեցել 2023 թվականի նոյեմբերի 7-ին և 8-ին, որի առաջնային նպատակն էր փորձի և գիտելիքների փոխանակման խթանումը՝ կենտրոնանալով Լոնդոնի արվեստների համալսարանի՝ արվեստի վեց քոլեջների միավորման փորձի վրա: Պատվիրակությունը համակողմանի քննարկումներ է անցկացրել Լոնդոնի արվեստների համալսարանի գործընկերների հետ՝ անդրադառնալով այնպիսի հարցերի, ինչպիսիք են համալսարանի կառավարման և վարչական գործընթացների առանձնահատկությունները, ակադեմիական ծրագրերի մշակումը, աշխատակազմի և դասախոսական կազմի զարգացումը, հետազոտությունները, միջազգային համագործակցությունը և որակի ապահովումը:
Հայաստանյան պատվիրակության կազմում էին Բարձրագույն կրթության և գիտության կոմիտեի, Ակադեմիական քաղաք հիմնադրամի, արվեստի ոլորտի պետական համալսարանների ղեկավար կազմի անդամներ և ներկայացուցիչներ: Այցի շրջանակներում ՀՀ ԿԳՄՍՆ Բարձրագույն կրթության և գիտության կոմիտեի և Լոնդոնի արվեստների համալսարանի միջև ստորագրվեց համագործակցության ուղղությունները սահմանող փոխըմբռնման հուշագիր:
Ճանաչողական այցի մասին ավելին՝ տես ստորև:
- https://www.facebook.com/photo/?fbid=391002383258785&set=a.298072372551787
- https://www.facebook.com/photo/?fbid=391340086558348&set=a.298072372551787
- https://www.facebook.com/photo/?fbid=393203363038687&set=pcb.393203589705331
- https://m.facebook.com/story.php?story_fbid=pfbid026DSHtcs6oXx268dB8ptAf6kseC2WbY9s5gNy3so8cHnD1tJU9TBRctL6ZZP9TxQel&id=100070470781176&mibextid=Nif5oz
- https://m.facebook.com/story.php?story_fbid=pfbid02D8TQ7acRwKwRegTwc7TSLgA1qFkJp5VBVt6vDwkjBgshUwZ4zCkeXRXSZNgi2LxDl&id=100070470781176&mibextid=Nif5oz
- https://m.facebook.com/story.php?story_fbid=pfbid02V6tKt3fh8iiAGPxbAhXpoqY1sS6NyvbjKcVSZUEg6uFXv1z2ZxsiQ9mWUTxJB3tUl&id=100070470781176&mibextid=Nif5oz
