Քանդակագործություն

Ներկայումս ամբողջ աշխարհում ստեղծագործ անհատների և նորարարական գաղափարների հանդեպ նկատվող հետաքրքրության աճը հնարավորություն է ստեղծում քանդակագործների համար սեփական նախագծերով աշխարհին ներկայանալու, ինչպես նաև աշխարհի տարբեր ծայրերից բազմաթիվ ներդրողների ուշադրությանը արժանանալու և մեր երկրի հանդեպ հետաքրքրությունը կենտրոնացնելու համար: ՀԳՊԱ-ն առաջարկում է «Քանդակագործություն» կրթական ծրագիր և՛ բակալավրի և՛ մագիստրոսի աստիճաններում՝ նպաստելով հասարակության գեղագիտական գիտակցության ու ճաշակի բարձրացմանը:

 

 

Աշխատանքն արվեստանոցում

 

«Քանդակագործություն» կրթական ծրագրի արդյունավետ իրականացման համար ուսուցումը կազմակերպվում է ինչպես լսարաններում, այնպես էլ արվեստանոցներում, որտեղ ուսանողները հնարավորություն ունեն գործնականում կիրառել ձեռք բերած գիտելիքներն ու հմտությունները նախագծերի շուրջ աշխատելիս:

 

 

Պրոֆեսորադասախոսական և վարչական կազմը

 

Կրթական ծրագրի հաջող և արդյունավետ իրականացումը ապահովում է ոլորտում առաջատար և մասնագիտական որակներ ունեցող պրոֆեսորադասախոսական և վարչական անձնակազմը: Կրթական ծրագրում դասավանդում են ոլորտում երկար տարիների փորձ ունեցող պրոֆեսորներ, ինչպես նաև մասնագիտական որակներ ունեցող երիտասարդ դասախոսներ:

 

 

Շրջանավարտները

 

Ուսումնասիրությունները ցույց են տալիս, որ «Քանդակագործություն» բակալավրի և մագիստրատուրայի շրջանավարտների 80-90%-ը հիմնականում իրենց հետագա գործունեությունը ծավալում են մասնագիտական կամ հարակից ոլորտներում:

 

 

Բակալավրի կրթական ծրագիր (4 տարի, 240 կրեդիտ)

 

«Քանդակագործություն» բակալավրի կրթական ծրագրի առաքելությունն է՝ ստեղծագործական աշխատանքին նպաստող կրթական միջավայրի ապահովման միջոցով պատրաստել մրցունակ մասնագետներ, որոնք կարող են ազատ ստեղծագործել մոնումենտալ, հաստոցային և դեկորատիվ քանդակագործության ոլորտներում՝ նպաստելով ազգային մշակույթի զարգացմանը և հասարակության գեղագիտական ճաշակի բարձրացմանը։

 

 

Ուսումնառության վերջնարդյունքները

 

«Քանդակագործություն» բակալավրի կրթական ծրագիրը հաջող ավարտելիս շրջանավարտը պետք է.

 

1. Ազատ տիրապետի գծանկարչական, գրաֆիկական և քանդակագործության տեխնիկաների և տեխնոլոգիաների՝ հաստոցային, մոնումենտալ և դեկորատիվ քանդակագործության բնագավառներում, ցուցադրի ստեղծարար կոմպոզիցիոն մտածողություն:

 

2. Տարբերակի կերպարվեստի գեղարվեստական ոճերի զարգացման առանձնահատկություններն ու պատմական տեսակետները, կարողանա արտահայտել սեփական մտքերը, կարծիքներն ու դատողությունները։

 

3. Դրսևորի հայ և միջազգային արվեստի ակնառու աշխատանքների և դրանց ստեղծման պատմության իմացություն, կատարի մասնագիտորեն հիմնավորված քննադատական վերլուծություն։

 

4. Դրսևորի լանդշաֆտի, ճարտարապետության և քանդակագործության համադրության սկզբունքների իմացություն և դրանք գործնականում կիրառելու կարողություն։

 

5. Ցուցաբերի քանդակի էսքիզը կամ մանրակերտ մոդելը օրիգինալ չափի և կոշտ նյութերի վերածելու ձևերի իմացություն։ Հիմունքների տեսքով ծանոթ լինի քանդակի վերականգնման աշխատանքների տեխնիկային։

 

6. Օգտագործի ավանդական և նորարարական մոտեցումներ՝ դրված մասնագիտական խնդիրների լուծման համար, կարողանա հայերեն կամ որևէ օտար լեզվով գրավոր և բանավոր ներկայացնել կատարած աշխատանքը մասնագիտական և ոչ մասնագիտական հանրությանը։

 

7. Հեռանկարի, անատոմիայի, արվեստի և համաշխարհային մշակույթի տեսության և պատմության բնագավառներում ձեռք բերված տեսական գիտելիքները կիրառի ստեղծագործական աշխատանքում։

 

8. Ճանաչի տեղեկատվություն որոնելու, պահպանելու և մշակելու հիմնական մեթոդներն ու միջոցները (համակարգիչ, գրադարան և այլն), վերլուծի և տեղին օգտագործի ստացած տվյալները մասնագիտական գործունեությունում։

 

9. Նախաձեռնի ու կառավարի կերպարվեստի ոլորտին առնչվող տարաբնույթ նախագծեր, ինքնուրույն իրականացնի մասնագիտական զարգացման շարունակական գործընթաց։

 

10. Դրսևորի անհատական պատասխանատվություն ստեղծագործական թիմում այլ համահեղինկների և կատարողների հետ ընդհանուր գեղարվեստական գաղափարների շուրջ համագործելիս՝ հաստոցային, մոնումենտալ կամ դեկորատիվ քանդակագործության բնագավառներում լավագույն արդյունքների հասնելու նպատակով։

 

11. Դրսևորի հասարակության մեջ ինտեգրվելու ունակություն, ձևավորի սեփական աշխարհայացքը և գեղագիտական գաղափարների փիլիսոփայությունը՝ ժամանակակից արվեստում տեղի ունեցող փոփոխություններին և միտումներին համապատասխան:

 

12. Ձևավորի և ցուցադրի ակտիվ քաղաքացիական և ստեղծագործական դիրքորոշումն իր գործունեության բոլոր ասպարեզներում, կարողանա բանավոր և գրավոր ներկայացնել այն լսարանի առաջ։

 

 

Կրթական միջավայր

 

ՀԳՊԱ-ն ապահովում է ուսանողների համար այնպիսի աշխատանքային միջավայր, որը թույլ է տալիս զարգացնել մասնագիտական և ստեղծագործական կարողությունները: «Քանդակագործություն» կրթական ծրագրի ուսանողները ակտիվ ներգրաված են բուհի գործունեության մեջ:

 

«Քանդակագործություն» բակալավրի կրթական ծրագրի արդյունավետ իրականացման համար ուսուցումը կազմակերպվում է լսարաններում և արվեստանոցներում:

 

Կրթական ծրագրում մեծ տեղ է հատկացվում ուսանողի ինքնուրույն աշխատանքին՝ որպես վերջինիս ուսուցման լավագույն ձևի՝ նպաստելով անհրաժեշտ գիտելիքի և հմտությունների ձեռքբերմանը: Կրթական ծրագրում գերակշռում է անհատական մոտեցումը յուրաքանչյուր ուսանողի նկատմամբ:

 

Որդեգրելով դասավանդման և ուսուցման ակտիվ և ինտերակտիվ մեթոդներ՝ կրթական ծրագրում մեծ տեղ ու դեր է հատկացվում ներառական մոտեցումների կիրառմանը՝ ապահովելով դասավանդման և ուսումնառության հավասար և անաչառ պայմաններ բոլոր ուսանողների համար:

 

 

Ուսումնական պլանը (2021-2022 ուս. տարի)

 

«Քանդակագործություն» կրթական ծրագրով դասավանդումը և ուսումնառության ավանդական և ժամանակակից մոտեցումների և մեթոդների համակցումը հնարավորություն է տալիս ուսանողներին ձեռք բերել համապարփակ գիտելիք ուսումնասիրվող թեմայի շուրջ, ինչպես նաև զարգացնել համապատասխան հմտություններ ուսումը կրթության հաջորդ աստիճանում շարունակելու, ինչպես նաև աշխատաշուկայում որպես մասնագետ ներկայանալու համար:

 

 

I տարի

 

Ծանոթացնում է մասնագիտության բովանդակությանը՝ ուսանողներին հնարավորություն տալով ձեռք բերել քանդակագործության վերաբերյալ առաջնային տեսական ու գործնական գիտելիք և հմտություններ:

 

 

II տարի

 

Ուսուցման երկրորդ տարին միտված է խորացնելու և զարգացնելու արդեն իսկ ձեռքբերված գիտելիքներն, ինչպես նաև ձևավորելու և հմտացնելու ուսանողների տեխնիկական մասնագիտական կարողությունները՝ փոխանցելով Հին Եգիպտոսի, Միջագետքի, Հին Հունաստանի և Վերածննդի ժամանակաշրջնների քանդակագործության պլաստիկ և գաղափարական առանձնահատկությունների և տեխնիկաների վերաբերյալ խորը և համապարփակ գիտելիք և հմտություններ:

 

 

III տարի

 

Ուսուցման երրորդ տարում ուսանողները կշարունակեն յուրացնել ձեռքբերված գիտելիքները և հմտացնել տեխնիկական մասնագիտական կարողությունները՝ ստանալով իմպրեսիոնիզմի, պոստիմպրեսիոնիզմի և մոդեռն արվեստի այլ ուղղությունների քանդակագործության պլաստիկ և գաղափարական առանձնահատկությունների և տեխնիկաների վերաբերյալ խորը և համապարփակ գիտելիք և հմտություններ:

 

 

IV տարի

 

Ուսուցման չորրորդ տարում ուսանողները կաշխատեն նախապես սահմանված և առաջադրված ավարտական աշխատանքի շուրջ, որն ուղղորդելու է ղեկավար դասախոսը: Ավարտական տարում ուսանողները կիրականացնեն սեփական ամփոփիչ նախագիծը՝ հաշվի առնելով աշխատանքի համար անհրաժեշտ ու կարևոր բոլոր շրջափուլերը:

 

 

Մոդուլները

 

 

I տարի

 

• Գծանկարչության հիմունքներ
• Քանդակագործության հիմունքներ
• Հայոց պատմություն և բնապահպանության հիմունքներ
• Գծանկարչություն 2
• Քանդակագործություն 2
• Հաղորդակցություն 1

 

 

II տարի

 

• Գծանկարչություն 3
• Քանդակագործություն 3
• Արվեստի պատմություն 1
• Հաղորդակցություն 2
• Գծանկարչություն 4
• Քանդակագործություն 4
• Արվեստի պատմություն 2
• Կամընտրական դասընթացներ 1

 

 

III տարի

 

• Գծանկարչություն 5
• Քանդակագործություն 5
• Միջոլորտային նախագիծ
• Գծանկարչություն 6
• Քանդակագործություն 6
• Եռաչափ քանդակագործություն (Zbrush)
• Կամընտրական դասընթացներ 2
• Կամընտրական դասընթացներ 3

 

 

IV տարի

 

• Գծանկարչություն 7
• Քանդակագործություն 7
• Քաղ. պաշտպանություն և Փիլիսոփայություն
• Կամընտրական դասընթացներ 4
• Ավարտական ամփոփիչ աշխատանք

 

 

Կամընտրական դասընթացներ

 

Կրթական ծրագրի բոլոր ուսանողները ուսման երկրորդ տարվա երկրորդ կիսամյակից հնարավորություն ունեն ընտրելու մասնագիտական խորացված կամ հարակից ոլորտների դասընթացներ, որոնք կզարգացնեն ընդհանրական և ոլորտին հատուկ կարողություններն ու հմտությունները:

 

 

Ընդունելության պահանջները

 

«Քանդակագործություն» բակալավրի կրթական ծրագրի ընդունելության պահանջներին և ընթացակարգին կարելի է ծանոթանալ այստեղ: