Համակարգչային գրաֆիկա

ՀԳՊԱ-ի «Համակարգչային գրաֆիկա» կրթական ծրագիրը զարգացնում է ուսանողների գեղագիտական ընկալումները և մտահղացումները համակարգչային նախագծերի վերածելու ունակությունները՝ հնարավորություն ընձեռելով կոմպոզիցիոն նախագծերում կիրառել ժամանակակից տեղեկատվական տեխնոլոգիաներ:

 

 

Աշխատանքը լաբորատորիաներում

 

«Համակարգչային գրաֆիկա» կրթական ծրագրի արդյունավետ իրականացման համար ուսուցումը կազմակերպվում է ինչպես լսարաններում, այնպես էլ լաբորատորիաներում, որտեղ ուսանողները հնարավություն ունեն գործնականում կիրառել ձեռք բերած գիտելիքներն ու հմտությունները նախագծերի շուրջ աշխատելիս: Ավելին, ուսանողները պարբերաբար այցելություններ են իրականացնում ոլորտի լավագույն կազմակերպություններ՝ ծանոթանալու աշխատանքային միջավայրին և գործընթացին:

 

 

Պրոֆեսորադասախոսական և վարչական կազմը

 

Կրթական ծրագրի հաջող և արդյունավետ իրականացումը ապահովում է ոլորտում առաջատար և մասնագիտական որակներ ունեցող պրոֆեսորադասախոսական և վարչական անձնակազմը: Կրթական ծրագրում դասավանդում են ոլորտում երկար տարիների փորձ ունեցող պրոֆեսորներ, ինչպես նաև մասնագիտական որակներ ունեցող երիտասարդ դասախոսներ, ինչպես նաև աշխատաշուկայում առաջատար կազմակերպությունների ներկայացուցիչներ:

 

 

Շրջանավարտները

 

Կրթական ծրագիրը մեծ պահանջարկ ունի աշխատաշուկայում, ինչի մասին է վկայում շրջանավարտների զբաղվածության բարձր մակարդակը մասնագիտական ազգային և միջազգային առաջատար կազմակերպություններում: Արդյունքում տարեցտարի մեծանում է նաև պահանջարկը դիմորդների շրջանում:

 

 

Բակալավրի կրթական ծրագիր (4 տարի, 240 կրեդիտ)

 

«Համակարգչային գրաֆիկա» բակալավրի կրթական ծրագրի առաքելությունն է․

 

• Պատրաստել գրաֆիկական դիզայնի ոլորտում ստեղծագործող,  նախաձեռնող,  բարձր որակավորմամբ և մրցունակ մասնագետներ՝ ապահովելով սովորողների  մասնագիտական կրթությունը, ինչպես նաև նրանց հնարավորություն ընձեռելով զարգացնել ստեղծագործական և վերլուծական մտածողությունը, ստեղծագործել, մեկնաբանել և իրականացնել մտահղացումները այնպիսի մի միջավայրում, որտեղ շեշտադրվում են մշակութային բազմազանությունը և տեխնիկական նորարարությունները։
• Հնարավորություն տալ ուսանողներին իրենց ստեղծագործական ներդրումը ունենալ ՀՀ-ում արվեստի ու տնտեսության զարգացման գործում՝ նպաստելով հասարակության կյանքի որակի բարձրացմանն ու գեղագիտական ճաշակի զարգացմանը:

 

 

Ուսումնառության վերջնարդյունքները

 

«Համակարգչային գրաֆիկա» բակալավրի կրթական ծրագիրը հաջող ավարտելիս շրջանավարտը պետք է.

 

1. Վիզուալ հաղորդակցական խնդիրներին տա ստեղծագործական գրաֆիկական լուծում, դրսևորելով՝ սպառողի/պատվիրատուի պահանջների դուրսբերման, ինֆորմացիայի հավաքագրման, վերլուծական, քննադատական, այլընտրանքային լուծումների առաջադրման, արդյունքների գնահատման կարողություններ։

 

2. Մշակի բրենդ, գովազդային պաստառներ, իրականացնի փաթեթավորման դիզայն, ստեղծի վիզուալ միջավայրերի գրաֆիկական ոճ, կամ իրականացնի համակարգչային խաղերի գրաֆիկական նախագիծ, կամ ձևավորի վեբ-կայքեր և բջջային հավելվածներ՝ կիրառելով գրաֆիկական դիզայնում կոմպոզիցիայի վիզուալ կազմակերպման, տեղեկատվության հիերարխիկ դասավորության, սիմվոլային ներկայացման և գեղագիտության սկզբունքները։

 

3. Ներկայացնի և զեկուցի նախագծի մասին գրավոր և բանավոր` մասնագիտական և ոչ մասնագիտական հանրությանը, և ցուցաբերի հաղորդակցման խնդիրների ընտրության կարողություն՝ հաշվի առնելով վիզուալ հաղորդակցության խնդիրների դիզայներական լուծման վրա ազդեցություն ունեցող ֆիզիկական, մտավոր, մշակութային, սոցիալական ու անձնային գործոնները։

 

4. Ստեղծի և վերարտադրի վիզուալ ուղերձներ, դրսևորելով գրաֆիկական դիզայնի արդի և հիմնարար հասկացությունների, ժամանակակից գործիքների և տեխնոլոգիաների, դրանց դերի իմացությունը գրաֆիկական դիզայնում։ Համապատասխան գործիքներն ու տեխնոլոգիաները ներառում են՝ նկարչությունը, տպագրությունը, լուսանկարչությունը, ինտերակտիվ մեդիան և 3D գրաֆիկան։

 

5. Համակարգչային գրաֆիկայի խնդիրների լուծման ընթացքում սահմանափակ ինքնավարության պայմաններում որոշումներ կայացնի, արդյունավետ աշխատի թիմում և ինքնուրույն ավարտին հասցնի գրաֆիկական դիզայնի ոլորտի խնդրի լուծումը։

 

6. Համակարգչային գրաֆիկայի խնդիրների լուծման ընթացքում ցուցաբերի արվեստի և դիզայնի տեսության և պատմության, հաղորդակցության ու տեղեկատվության տեսությունների, տեխնոլոգիաների և համակարգչային դիզայնի օբյեկտների սոցիոմշակութային կիրառության ասպարեզների իմացությունը։

 

7. Պատասխանատվություն կրի սեփական կրթության համար և սովորի տարբեր իրավիճակներում ձեռքբերված փորձի հիման վրա, ինչպես նաև ներկայանալի լինի հանրությանը՝ մասնագիտական պորտֆոլիոյի միջոցով։

 

 

Կրթական միջավայր

 

ՀԳՊԱ-ն ապահովում է ուսանողների համար այնպիսի աշխատանքային միջավայր, որը թույլ է տալիս զարգացնել մասնագիտական և ստեղծագործական կարողությունները: «Համակարգչային գրաֆիկա» կրթական ծրագրի ուսանողները ակտիվ ներգրաված են բուհի գործունեության մեջ:

 

«Համակարգչային գրաֆիկա» բակալավրի կրթական ծրագրի արդյունավետ իրականացման համար ուսուցումը կազմակերպվում է լսարաններում, լաբորատորիաներում, ինչպես նաև մասնագիտական այլ կառույցներում:

 

Կրթական ծրագրում մեծ տեղ է հատկացվում ուսանողի ինքնուրույն աշխատանքին՝ որպես վերջինիս ուսուցման լավագույն ձևի՝ նպաստելով անհրաժեշտ գիտելիքի և հմտությունների ձեռքբերմանը: Կրթական ծրագրում գերակշռում է անհատական մոտեցումը յուրաքանչյուր ուսանողի նկատմամբ:

 

Որդեգրելով դասավանդման և ուսուցման ակտիվ և ինտերակտիվ մեթոդներ՝ կրթական ծրագրում մեծ տեղ ու դեր է հատկացվում ներառական մոտեցումների կիրառմանը՝ ապահովելով դասավանդման և ոսումնառության հավասար և անաչառ պայմաններ բոլոր ուսանողների համար:

 

 

Ուսումնական պլանը (2021-2022 ուս. տարի)

 

«Համակարգչային գրաֆիկա» կրթական ծրագրով դասավանդումը և ուսումնառության ավանդական և ժամանակակից մոտեցումների և մեթոդների համակցումը հնարավորություն է տալիս ուսանողներին ձեռք բերել համապարփակ գիտելիք ուսումնասիրվող թեմայի շուրջ, ինչպես նաև զարգացնել համապատասխան հմտություններ ուսումը կրթության հաջորդ աստիճանում շարունակելու, ինչպես նաև աշխատաշուկայում որպես մասնագետ ներկայանալու համար:

 

 

I տարի

 

Ուսման առաջին տարում ուսանողը ձեռք կբերի առաջնային տեսական և գործնական գիտելիքներ կոմպոզիցիայի հիմունքների վերաբերյալ` հաշվի առնելով համաշխարհային արվեստի և գրաֆիկական դիզայնի ոլորտային միտումները, կիրառելով ակադեմիական նկարչության հիմունքները, լիովին տիրապետելով համակարգչային գրագիտությանը: Հիմնավոր պատկերացում կկազմի գրաֆիկական դիզայնի, Կոնցեպտ Արտի, WEB UI/UX-ի մասին:

 

 

II տարի

 

Ուսման երկրորդ տարին միտված է ուսանողի նախորդ տարվա գիտելիքի խորացմանը, տեխնիկական մասնագիտական գործիքների համապարփակ ուսումնասիրությանը, որը հիմք կհանդիսանա առաջադրված մասնագիտական խնդիրների լուծմանը:

 

Այս տարում ուսանողն ընտրում է առաջարկված մասնագիտական ուղղություններից մեկը՝ Գրաֆիկական դիզայն, Կոնցեպտուալ արվեստ կամ Վեբ դիզայն, հետագա խորացված ուսուցման համար:

 

 

III տարի

 

Գրաֆիկական դիզայն մասնագիտացման դեպքում.

 

• Ուսանողը փուլային սկզբունքով կտիրապետի գրաֆիկական դիզայնի ամբողջական գործընթացին՝ ձեռք բերելով վերլուծական և հետազոտական հմտություններ և անհրաժեշտ գործիքակազմի հետ աշխատելու, ինչպես նաև թիմում աշխատելու կարողություններ, կկարողանա իրականացնել ամբողջական գրաֆիկական նախագիծ:

 

Կոնցեպտուալ արվեստ մասնագիտացման դեպքում.

 

• Ուսանողը փուլային սկզբունքով կտիրապետի Կոնցեպտ Արտի ամբողջական գործընթացին՝ ձեռք բերելով հմտություններ, կիմանա կազմակերպել և տեսանելի սարքել ամբողջական միտքը, կտիրապետի հատուկ նկարչական տեխնիկաներին, կիմանա ստեղծագործական մտքի մատուցման կանոնավոր ձևաչափերը, նաև ձեռք կբերի անհրաժեշտ գործիքակազմի հետ աշխատելու հմտություններ։

 

Վեբ դիզայն մասնագիտացման դեպքում.

 

• Ուսանողը, առաջադրանքներ կատարելով, կտիրապետի վեբ պրոյեկտների կատարման փուլերին՝ ձեռք բերելով վերլուծական և հետազոտական հմտություններ և անհրաժեշտ գործիքակազմի հետ աշխատելու, ինչպես նաև թիմում աշխատելու կարողություններ, կկարողանա իրականացնել ամբողջական տարբեր բարդությունների վեբ նախագծեր:

 

 

IV տարի

 

Գրաֆիկական դիզայն մասնագիտացման դեպքում.

 

• Ուսուցման չորրորդ տարում ուսանողը կիրականացնի իրական գրաֆիկական նախագիծ: Կաշխատի նախապես հաստատված ավարտական աշխատանքի թեմայի վրա ղեկավարի վերահսկողությամբ՝ իրականացնելով սեփական նախագիծը, կիրառելով նախորդ տարիներին ձեռք բերված գիտելիքը:

 

Կոնցեպտուալ արվեստ մասնագիտացման դեպքում.

 

• Ուսուցման չորրորդ տարում ուսանողը կիրականացնի ամբողջական ստեղծագործական նախագիծ: Կաշխատի նախապես հաստատված ավարտական աշխատանքի թեմայի վրա ղեկավարի վերահսկողությամբ՝ իրականացնելով սեփական նախագիծը, կիրառելով նախորդ տարիներին ձեռք բերված գիտելիքը:

 

Վեբ դիզայն մասնագիտացման դեպքում.

 

• Ուսուցման չորրորդ տարում ուսանողը կիրականացնի իրական վեբ կայքի կամ բջջային հավելվածի նախագիծ: Կաշխատի նախապես հաստատված ավարտական աշխատանքի թեմայի վրա ղեկավարի վերահսկողությամբ՝ իրականացնելով սեփական նախագիծը, կիրառելով նախորդ տարիներին ձեռք բերված գիտելիքը:

 

 

Մոդուլները

 

 

I տարի

 

• Արվեստի և գրաֆիկական դիզայնի պատմություն 1
• Համակարգչային գրագիտություն
• Գրաֆիկական կոմպոզիցիա 1
• Նկարչություն 1
• Պարտադիր դասընթացներ 1
• Արվեստի և գրաֆիկական դիզայնի պատմություն 2
• Գրաֆիկական կոմպոզիցիա 2
• Թվային գործիքների փաթեթ 1
• Նկարչություն 2
• Հաղորդակցություն 1

 

 

II տարի

 

• Գրաֆիկական դիզայն 1
• Թվային գործիքների փաթեթ 2
• Նկարչություն 3
• Հաղորդակցություն 2

 

Գրաֆիկական դիզայն մասնագիտացման համար

 

• Գրաֆիկական դիզայն 2
• Նկարչություն 4
• Թվային գործիքների փաթեթ 3
• Կամընտրական դասընթացներ 1

 

Կոնցեպտուալ արվեստ մասնագիտացման համար

 

• Կոնցեպտուալ արվեստ 1
• Նկարչություն 4
• Թվային գործիքների փաթեթ 3
• Կամընտրական դասընթացներ 1

 

Վեբ դիզայն մասնագիտցման համար

 

• Վեբ դիզայն 1. Թվային և առցանց կոմպոցիզիա
• Նկարչություն 4
• Թվային գործիքների փաթեթ 3
• Կամընտրական դասընթացներ 1

 

 

III տարի

 

Գրաֆիկական դիզայն մասնագիտացման համար

 

• Գրաֆիկական դիզայն 3
• Գեղարվեստական նախագծում
• Նկարչություն 5
• Միջոլորտային նախագիծ
• Կամընտրական դասընթացներ 2
• Գովազդային փաթեթ
• Նկարչություն 6
• Կամընտրական դասընթացներ 3

 

Կոնցեպտուալ արվեստ մասնագիտացման համար

 

• Կոնցեպտուալ արվեստ 2
• Ճեպանկար
• Քանդակ
• Միջոլորտային նախագիծ
• Կամընտրական դասընթացներ 2
• Կոնցեպտուալ արվեստ 3
• Քանդակ
• Ճեպանկար
• Կամընտրական դասընթացներ 3

 

Վեբ դիզայն մասնագիտացման համար

 

• Վեբ դիզայն 2. Կոմերցիոն վեբ դիզայն
• Գեղարվեստական նախագծում
• Նկարչություն 5
• Միջոլորտային նախագիծ
• Կամընտրական դասընթացներ 2
• Վեբ դիզայն 3. UI(User interface) դիզայն
• Նկարչություն 6
• Կամընտրական դասընթացներ 3

 

 

IV տարի

 

Գրաֆիկական դիզայն մասնագիտացման համար

 

• Տիպագրաֆիկա
• Իրական նախագիծ
• Նկարչություն 7
• Պարտադիր դասընթացներ 2
• Կամընտրական դասընթացներ 4
• Ավարտական ամփոփիչ աշխատանք

 

Կոնցեպտուալ արվեստ մասնագիտացման համար

 

• Կոնցեպտուալ արվեստ 4
• Իրական նախագիծ
• Ճեպանկար 5
• Պարտադիր դասընթացներ 2
• Կամընտրական դասընթացներ 4
• Ավարտական ամփոփիչ աշխատանք

 

Վեբ դիզայն մասնագիտացման համար

 

• Վեբ դիզայն 4. Բջջային հավելվածների և UX դիզայն
• Իրական նախագիծ
• Նկարչություն 7
• Պարտադիր դասընթացներ 2
• Կամընտրական դասընթացներ 4
• Ավարտական ամփոփիչ աշխատանք

 

 

Կամընտրական դասընթացներ

 

Կրթական ծրագրի բոլոր ուսանողները ուսման երկրորդ տարվա երկրորդ կիսամյակից հնարավորություն ունեն ընտրելու մասնագիտական խորացված կամ հարակից ոլորտների դասընթացներ, որոնք կզարգացնեն ընդհանրական և ոլորտին հատուկ կարողություններն ու հմտությունները:

 

 

Ընդունելության պահանջները

 

«Համակարգչային գրաֆիկա» բակալավրի կրթական ծրագրի ընդունելության պահանջներին և ընթացակարգին կարելի է ծանոթանալ այստեղ: